Demanda d'oficializacion de l'occitan al Congrés dels deputats espanhòls

Lo Partit de la Nacion Occitana sosten lo Conselh General d'Aran

pertocant sa demanda d'oficializacion de l'occitan

al Congrés dels deputats espanhòls

Lo 17 d'agost passat, la presidenta del Congrès dels Deputats, Dòna Francina Armengol, anonciava qu'a partir de la venenta session plenièra, los deputats de l'Estat espanhòl poiràn emplegar dins l'emicicle de la Cambra Bassa las lengas cooficialas que son l'espanhòl, lo catalan, lo basc e lo portugués de Galícia. Just aprèp aquela anóncia, la sindic d'Aran, Dòna Maria Vergés, a enviat una letra a la presidenta del Congrès per fin que l'occitan, lenga oficiala en Val d'Aran e en Catalonha, pòsca èsser emplegat dins aquela Cambra al meteis títol que lo catalan, lo basc e lo portugués parlat en Galícia.

Dins son corrièr, saluda aquela decision e fa sustot referéncia a l'estatut d'autonomia de Catalonha e a la Lei de Regim Especial d'Aran establissent l'especificitat politica de la Val d'Aran. Tèxt juridic reconeissent, entre autras causas, la lenga occitana coma lenga oficiala en Catalonha.

            Lo Partit de la Nacion Occitana sosten l'iniciativa de Dòna Vergés e del Conselh General d'Aran. Demanda als representants politics dels autres pòbles actualament englobats dins l'Estat espanhòl d'intervenir dins aquel sens al prèp de las autoritats governamentalas espanhòlas, e sustot al prèp de Dòna Francina Armengol, actuala presidenta del Congrés dels Deputats e catalana elegida de las illas Balearas.

Val d'Aran