Lo Partit de la Nacion Occitana e Calendreta

SOSTENGAM CALANDRETA, ESCÒLA PUBLICA OCCITANA,

CONTRA LAS AGRESSIONS DE L'ESTAT FRANCÉS !

Lo Partit de la Nacion Occitana apela a sosténer las escòlas associativas laícas occitanas Calandretas, especialament aquela d'Artics, expausada a las agressions de l'administracion francesa.

Las Calandretas asseguran un servici public d'ensenhament en occitan, servici public que l'Educacion « Nacionala » francesa assegurava pas emai contunha de pas assegurar a la nautor de sas capacitats, al despiech dels esfòrces dels ensenhaires engatjats dins una batesta similara. Lo pretzfach de las escòlas associativas es essencial per la transmission, la subrevida e l'espandiment de nòstra lenga et de nòstra cultura.

Per aquò, a las Calandretas fai mestièr l'ajuda de las collectivitats territorialas, mantunas l'aun comprés e lor pòrtan son ajuda. Pr'aquò, los representants de l'Estat opausan ad aquela ajuda las empachas elaboradas dins los dos darrièrs sègles per liberar l'Escòla de l'influença de la Glèisa : per els, las Calandretas son escòlas privadas emai doncas enebisson a la comunas de las ajudar, especialament per çò dels locals necessaris.

Per la Republica Francesa, lo solet ensenhament que pòsca finançar la moneda publica (la dels ciutadans) es l'ensenhament que definís coma « public », valent a díser aquel que l'Estat (segon los metòdes de Napoléon lo Ièr) definís e organiza.

Lo Partit de la Nacion Occitana reconeis a las Calandretas la qualitat d'escòlas publicas occitanas, et reivindica per las collectivitats territorialas que ac desiran lo drech de s'engatjar a lors costats.

Apela a manifestar lo dissabte 15 de març del 2014, a la 15 oras a Pau (partença Plaça de la Liberacion) emai a signar la peticion de sostèn sus:
https://www.change.org/fr/pétitions/òc-calandreta-que-viverà