Overblog
Editer l'article Suivre ce blog Administration + Créer mon blog

Un còp de mai los païses democratics daissan càser los Curds,

permetent a Turquia d’atacar lo Curdistan occidental.

Los Estats Units d’America an evacuat lors personals civils presents a Rojavà. Los an mudats cap a Erbil, capitala del Curdistan miègjornal, mentre qu’en tota impunitat Turquia cibla los Curds de Siria e lors infrastructuras civilas vitalas. Se crenta una invasion militara turca massissa dins lo Nòrd-èst de Siria.

Mazlum Cobane, cap comandant de las Fòrças Democraticas Sirianas (FDS), principala organizacion laïca e democratica dins la lucha contra l'Estat islamic en Siria, a declarat que l’invasion terrèstra contra lo nòrd-èst de Siria jos contraròtle curd, a ja començat. Ni per las nombrosas victimas civilas, los mèdia franchimands, e occidentals en general, ne parlan gaire.

En Cobane, a declarat al moment d’una conferéncia de premsa en linha, que Turquia contunha d’amassar de fòrças a l'entorn de las vilas de Manbij e Cobanèa e que de grops djiadistas sostenguts per Turquia se concentravan entre Manbij e Tell Rifaat. Mentretant, ajustèt que las Fòrças Democraticas Sirianas èran prèstas a defendre lors tèrras.

Los Curds planhon la manca de reaccion occidentala de cap a lor situacion. Encara un còp, pòdon pas comptar que sus lor sol coratge per afrontar los terroristas islamistas e l’armada turca, una de las mai poderosas de l'OTAN.

Pel Partit de la Nacion Occitana, en politica se pòt pas far doas mesuras per una meteissa cana. Se pòt pas combatre l’imperialisme rus en Ucraïna e clucar los uèlhs suls imperialismes arab e turc al Curdistan. Lo Partit de Nacion Occitana sosten la lucha del valorós pòble curd dins sa volontat d’independéncia e d’unitat nacionala.

la lucha del valorós pòble curd

la lucha del valorós pòble curd

Tag(s) : #Occitan, #OC