Lo Partit de la Nacion occitana e l'Afganistan

Afganistan dins las mans dels  talibans

En seguida dels atemptats islamistas de l’11 de setembre de 2001, una coalicion internacionala, mandatada per la ONU e menada pels Estats-Units, interveniá en Afganistan. Aviá per tòcas de destrusie al Qaida e de caçar lo regim islamista dels talibans qu’aviá protegit Ben Laden e sos emuls.

Un còp aquò fach, aquela coalicion, ajudada per d’unas nombrosas ONG, s'esforçèt de crear las condicions del desvolopament, d'una modernizacion economica e sociala e d'una democratizacion. Mas los talibans contunhavan la guèrra.

Vingt ans aprèp, amb la partença dels darrièrs militars estrangièrs, aqueles venon de tornar prene lo poder a Kabol e dins Afganistan tot. Victorioses, los islamistas radicals an plan l’intencion d’impausar definitivament lor ideologia e lo poder des Afgans-Pachtons demest losquals se recrutan essencialament.

En tot deplorar aquel retorn, sinonim de recession grèva per l’estatut de las femnas especialament, mas fisèl a sas posicions etnistas, lo Partit de la Nacion occitana admet que los Afgans-Pachtons an plan lo drech de se donar las institucions e lo regim que desiran. Admet tanben lor drech imprescriptible de s'unir amb lors compatriòtas afgans-pachtons del Pakistan, plan mai nombroses. Pasmens, lor denega, lo drech d’impausar lors valors, lors institucions, lor lenga e lor govèrn als pòbles divèrses que colonizaron dempuèi lo sègle XVIIIen e que representan 40% de la populacion de lor Estat.

Lo PNO apèla donc los talibans a far de lor país, una vertadièra federacion etnica e a renonciar a far d’aquel, la basa d’un empèri islamista mondial, solas garantidas d'un possible desvolopament sens interferéncias estrangièras. 

18/08/21

los pòbles d'Afghanistan