Per un Estat Curd

Lo 19 de març de 2018, L’armada turca e los rebels arabs sirians prenguèron lo contraròtle de la vila d’Afrin en Curdistan de Siria al cap d’una operacion mandada contra las milicias curdas que sul papièr èran sostengudas per la coalicion anti Daesh bailejada pels Estats Units.

Pels Curds es una novèla leiçon de Realpolitik. Aqui estant la contribucion de las decisivas dels Curds dins la casuda del sembla califat, los paises sòcis de la coalicion aurián degut empachar, o calguèsse per la fòrça, aquesta intervencion militària decidida pel Erdogan, baile de Turquia.   

Mas gausèron pas acarar Turquia, sòcia de l’OTAN e a tengut candidata per l’entrada dins l’Union Europenca. En tot amenaçar d’asaigar Euròpa de refugiats del conflicte sirian, L’Erdogan fa un chantatge vertadièr sus l’Union Europenca.  

Lo Partit de la Nacion Occitana denoncia vigorosament l’abandon que ne son victimas los Curds de Siria e lo regim inic e antidemocrtiac installat en Turquia pel Erdogan.

Erdogan amb son obsession anti curda es un perfièch representant de l’imperialisme turc seculari que refusa de reconèisser lo genocidi armèni de 1915, promòu una version rigorista de l’islam sunita e cerca de venir sòci de l’Union Europenca per far d’aquela d’aqui, l’objectiu es assumit, una Euròpa musulmana.  

Lo Partit de la Nacion Occitana demanda al Capiscòl de la Republica Francesa e a l’Union Europenca.de dire net e clar a l’Erdogan que Turquia es mens que dins lo passat en capacitat d’integrar l’Union Europenca..

Lo Partit de la Nacion Occitana demanda als Estat Units d’intervenir per totes los mejans per que las fòrças turcò-arabas se retiren d’Afrin.

Lo Partit de la Nacion Occitana ramenta tanben que los Curds de Siria, d’Irac, d’Iran e de Turquia an dreit a un Esta promés per la comunautat internacionala dins lo passat. Una promesa pas jamais tenguda e totjorn d’actualitat. Recentament lo poder arab shiita d’Irac a quitament empachat l’independència del Curdistan d’Irac plebiscitada per referendum.

Lo Partit de la Nacion Occitana tòrna afortir que tant los Curds coma los Occitans, totas las nacions sens Estat del monde an dreit d’aver lo seu Estat independent.

23/03/2018

Per un Estat Curd