Overblog Suivre ce blog
Editer l'article Administration Créer mon blog

Turquia : Un pòble que n’oprimís un autre non sauriá èsser liure

Un pauc mai d’un sègle fa, partent de 1914,lo govèrn "jove-turc" organizava los genocidis de las minoritats crestianas d'Anatolia : aramèas, (Assirians, Caldèus e Siriacs) e grèga (Grècs pontics e Capadocians).

Los chaples, las faminas e deportacions durèron fins a 1918 e quitament al delà, pels Grècs.

La republica de Turquia contunha de negar aqueles genocidis e de lausenjar lo passat imperial e imperialista otoman. Seguiguèt la meteissa dralha amb l’expedicion coloniala de Cipre en 1974. Nega l’identitat curda e mena dempuèi 1984 una guèrra coloniala contra los Curds, considerats coma "Turcs de las montanhas".

De la laïcitat autoritària d'Atatürk al conservatisme islamic dich "moderat" d'Erdogan, l'istòria de la republica de Turquia es pas un modèl de democracia.

Pel referendum constitucional del 16 d’abril de 2017, una majoritat estrecha de l'electorat turc, mobilizada per un discors d'unitat "nacionala", aprovèt la mesa en plaça d'una dictatura.

Lo Partit de la Nacion Occitana rapèla que lo model màger dont s'inspirèt Atatürk es lo de la Republica francesa, una e indivisibla.

27 d’abril de 2017

Turquia, referendum del 16 d'abril de 2017

Turquia, referendum del 16 d'abril de 2017

Tag(s) : #OC, #Occitan