Overblog Suivre ce blog
Editer l'article Administration Créer mon blog

Lo Partit de la Nacion Occitana demanda la liberacion d'Ebru Firat

   Fa ara dos meses que la jove occitano-curda Ebru Firat, nascuda a Moissac (Carcin-Bas), es empresonada en Turquia.

   Aqueste 8 de novembre de 2016 ven d'èsser inicament condemnada a cinc ans d'empresonament per la justícia turca amb l'acusacion "d'apartenéncia a una organizacion terrorista" alara qu'aquesta militanta defensora dels dreches umans e de la democracia quitèt sos estudis a Tolosa per anar combatre los barbars de l'Estat islamic.

   D'origina curda, la jove moissaguesa combatèt a Kobane (Curdistan del ponent) dins las unitats d'autodefensa curdas YPG (Yekîneyên Parastina Gel/Unitat de Proteccion del Pòble) organizacion considerada coma "terrorista" pel governament islamista d'Erdogan. Es en tornant en Occitània que la jove Ebru Firat foguèt arrestada lo 8 de setembre de 2016 a l'aeropòrt Ataturc d'Istanbol. Desempuèi es dins las jaulas de l'Estat autoritari turc.

   Lo Partit de la Nacion Occitan denoncia una justícia partidària al servici de l'imperialisme turc. Demanda exprèssament la liberacion immediata e sens condicion de la resistenta occitano-curda.

   Lo Partit de la Nacion Occitana remembra per l'escasença qu'es favorable a la creacion d'un Estat curd sus totes los territòris d'aquesta nacion. Èra estat ja previst al moment de la signatura del tractat de Sèvres, lo 10 d'agost de 1920.

p-n-o@laposte.net

joan.peire.alari@gmail.com

http://lo.lugarn-pno.over-blog.org/

10 rue de Romas

F-47000 Agen (Occitania)

mobile. +33 6 76 47 32 12

11/11/16

Ebru Firat

Ebru Firat

Tag(s) : #OC