Overblog Suivre ce blog
Editer l'article Administration Créer mon blog

Eleccions als parlaments escocés e galés del dijòus 5 de mai de 2016.

Lo Partit de la Nacion Occitana felicita lo Partit Nacional Escocés (SNP) que  ven de ganhar las eleccions al Parlament escocés.  Pel tresen còp consecutiu, va formar un govèrn, quitament se aquel serà aqueste còp minoritari.

Apartendrà a aquel govèrn novèl de decidir o non d’organizar un novèl referendum sus l’independéncia, subretot se contràriament als vòts de la majoritat dels Escoceses segon los sondatges, lo non ganha en seguida del vòte del 23 de junh al Reiaume Unit sul manten de Granda Bretanha dins l’Union europèa.
Lo Partit de la Nacion Occitana es favorable a l’independéncia d’Escòcia.

Lo Partit de la Nacion Occitana felicita tanben lo Plaid Cymru (Parti Nacionalista Galés) per aver ganhat un sèti dins las eleccions a l’Assemblada galesa  e per son segond reng coma partit.

Pasmens, la traucada de l’UKIP (Partit de l’Independéncia del Reiaume Unit), partit eurosceptic e antisistèma, es pensamentosa.

Amai lo sentiment independentista i foguèsse mai flac que en Escòcia, lo Partit de la Nacion Occitana, tanplan coma lo Plaid Cymru, es favorable a l’independéncia del País de Galas.

Lo Partit de la Nacion Occitana es per l'independéncia de totas las nacions sens Estat del mond.
Aquò val per las nacions d’Euròpas ont lo sentiment independentista es fòrt al’ora d’ara coma Catalonha, Flandra e lo País basc, e per las nacions coma Bretanha e Occitània ont aquela perspectiva sembla mai luonchenca.

07/05/2016

Lo Partit de la Nacion Occitana felicita lo Partit Nacional Escocés (SNP) e lo Plaid Cymru.

Lo Partit de la Nacion Occitana felicita lo Partit Nacional Escocés (SNP) e lo Plaid Cymru.

Tag(s) : #OC