Overblog Suivre ce blog
Editer l'article Administration Créer mon blog

Lo Partit de la Nacion Occitana e los resultats del segond torn de las eleccions regionalas en Occitània

Entre sortir del segond torn del 13 de decembre de las eleccions regionalas en Occitània, lo Partit de la Nacion Occitana se regaudís que lo  « Front National » menat per Marion Maréchal-Le Pen aja pas capitat de prene lo contraròtle de la region Provènça-Alps-Costièra d’Azur mas constata que dins aquela region, coma dins Aquitània-Lemosín-Peitau-Charenta, Lengadòc-Rosselhon-Miègjorn-Pirenèus e Auvèrnha-Ròse-Alps, lo « Front National » melhora sos resultats del primièr torn e fa dintrar sos militants dins totes les nouveaux conselhs regionals novèls. La melhora faiçon d’empachar lo Front National de progressar encara mai e d’arribar al poder al cap de l’Estat francés, es que la classa politica pòrte enfin de responsas fisablas a las questions que tefuran los Occitans e totes los ciutadans de la republica francesa : l’identitat, l’immigracion, l’islamisme radical, la seguretat e lo caumatge. Mas es nòstra responsabilitat particulara coma independentistas occitans de convénçer, en Provènça coma endacòm mai en Occitània, nòstres conteirals que la subredicha ultra chovina francesa e lo programa economic aberrant del « Front National » son pas de natura a resòlver lors problèmas.

Per lo movement occitan, lo Partit de la Nacion Occitana èra pas present al segond torn. Lo Partit Occitan, que sortís amendrit d’aquelas eleccions dins las tres regions ont sos militants èran candidats al primièr torn amb un sol conselhièr regional elegit al segond torn en Lengadòc-Rosselhon-Miègjorn-Pirenèus dels cinc sortents, a pas encara abandonat la quimèra segon laquala fòra de l’aliança amb l’esquèrra francesa, es pas possible de se salvar. Solament, la situacion politica de l’ora d’ara comanda d’amassar las fòrças politicas e culturalas occitanas de toas las sensiblitats per preparar tre ara las eleccions territorialas venentas dins l’independéncia, dins l’union e en aliança amb de fòrças independentas dels partits e non jacobinas.

Enfin, lo Partit de la Nacion Occitana se regaudís de la victòria escandilhosa en Corsega de la coalicion nacionalista Pè a Corsica menada per Gilles Simeoni, conse de Bastia que li permèt de prene lo contraròtle de l’Amassada de Corsega. Mòstran lo camin als militants politics occitans. Saluda tanben en Martinica la victòria de la tièra independentista « Grand Sanblé pou Ba Peyi-a An Chans » d’Alfred Marie-Jeanne.

Lo Partit de la Nacion Occitana pensa que l’emancipacion de las nacions sens Estat de la republica francesa se farà pas que per la volontat de lors pòbles e serà lo fruch d’un rapòrt de fòrças d’establir.

p-n-o@laposte.net

joan.peire.alari@gmail.com

http://lo.lugarn-pno.over-blog.org/

10 carrèra de Romàs

47000 Agen

06 76 47 32 12

15 de decembre de 2015

Partit de la Nacion Occitana.

Partit de la Nacion Occitana.

Tag(s) : #OC