Overblog Suivre ce blog
Editer l'article Administration Créer mon blog

Lo Partit de la Nacion Occitana e las eleccions regionalas del 6 de Decembre de 2015

Lo 6 de decembre de 2015 se debanarà la primièra votacion per las eleccions regionalas eissidas de la reforma territoriala, que faguèt passar lo nombre de regions ditas « metropolitanas » de la republica francesa de 22 à 13.

Lo Partit de la Nacion Occitana ramenta qu’aquesta reforma es estada facha d’un biais  tecnocratic sens consultar las populacions dels territòris concernits.

Lo territòri occitan se tròba dividit en quatre regions metropolitanas : tres de majoritat occitana

Aquitània-Lemosin-Peitau Charenta / Lengadòc-Rosselhon-Miegjorn-Pireneus /

Provènça-Aups-Costièra d’Azur

E una de fòrta minoritat occitana : Auvernha- Ròse Aups (amb Droma e l'Ardecha).  

Un còp espepissat los programas de las diferentas listas que se pòrtan sul territòri occitan  Lo Partit de la Nacion Occitana nòta una presa en compte mai o mens difusa de l’identitat occitana.

En Aquitània Lemosin Peitau Charenta :

Euròpa-Ecologia-Los Verds (EELV) vòl « Promòure e aparar nòstre patrimòni cultural e las lengas regionalas ». Amb las candidaturas de quauques militants occitans (en pausicion non eligiblas), e bascos.

La lista de la Dreita e del Centre propausa de « sosténér l’accès a las lengas regionalas »

La lista PS e PRG, menada per Alain Rousset, a revirat lo seu eslogan « plus forts, plus solidaires ensemble » en basco e en occitan.

La lista de Maria Bové « Fagam Amassa », compausada de dissidents d’EELV, compta tres occitanistas. David Grosclaude, conselhier regional sortènt, es cap de lista dins los

Pireneus Atlantics. Prenon l’engatgement seguènt : « Per nòstras lengas : Dins la nòstra region se parlan l’occitan emai lo basco. La politica linguistica serà renforçada e integrada dins las autras politicas ».

En Miègjorn-Pirenèus e Lengadòc-Rosselhon

La lista menada per Gérard Onesta d’EELV, del Front d’esquèrra e del Partit Occitan nomena la novèla region « Occitània Catalonha, la nòstra region » e propausa de mesuras interessantas per l’occitan e lo catalan. Patric Roux del Partit Occitan es en pausicion eligibla dins Aude mentre que d'autres militants del POC coma Guilhèm Latrubesse, conselhièr regional sortènt son pas en pausicion d’èsser elegit.

La lista del PS e del PRG menada per Carole Delga declara sosténer l’ensenhament de l’occitan e del catalan.

La lista de Christophe Cavard, lo « Ben Comun » compausada d’ecologistas, de uèit sòcis del Partit de la Nacion Occitana, dont Jérôme Piques, cap de lista en Tarn-e-Garona e de monde de la societat civila es sostenguda pel PNO. Reconeis sincerament l’identitat occitana.

La lista « Ciutadans del Miègjorn » del cònsol de Montpelhièr, Philippe Saurel, intègra quauques occitanistas, Martine Gros et Patricia Rosenthal.

La lista de Dreita e del Centre de Dominique Reynié es favorabla a una valorizacion de l’occitan e del catalan.

En Provènçe-Aups-Costièra d’Azur

La lista del PS menada par Christophe Castaner compta tres occitanistas del Partit Occitan, ancianament aligat amb EELV dins aquesta region. Los elegits regionals sortènts del Partit Occitan son pas en pausicion eligibla.

La lista de la Dreita e del Centre menada pel cònsol de Niça, Christian Estrosi an rescontrat lo Collectiu Provènça que sa tòca magèr es lo combat contra los occitanistas.

En Auvernha, Droma-Ardecha amb Ròse Aups.  

Las negociacions entre Gustau Aliròl, conselhièr regional sortènt e los d’EELV faguèron mèuca. Ges de lista per integrar d’occitanistas o que propausa que que siá per la cultura occitana en Auvernna emai en Droma-Ardecha o Daufinat occitan.

Quina que siá la region i a ges de lista que se prononcie a favor de vertadièrs poders decisionals e financièrs per de regions occitanas autonòmas o que religue las preocupacions de la populacion occitana amb l’identitat occitana o a la pèrdia d’aquela d’aqui e son remplaçament per una identitat francesa ultrà chauvina.

En defòra de la region Miègjorn-Pireneus-Lengadòc-Rosselhon que i crida per votar per la lista lo « Ben Comun » de Christophe Cavard, tot batut e rebatut, lo Partit de la Nacion Occitana, daissa las electritz e los electors occitans, liures de se determinar per un vòte, un vòte blanc, o l’abstencion.

En Bretanha, lo Partit de la Nacion Occitana sosten la lista « Notre chance, l’indépendance », en Alsacia la lista d’ « Unser Land », movement autonomista alsacian emai en Corsega las fòrças nacionalistas e independentistas que se fan portar per aquelas  eleccions regionalas.

p-n-o@laposte.net

joan.peire.alari@gmail.com

http://lo.lugarn-pno.over-blog.org/

10 carrèra de Romàs

47000 Agen

06 76 47 32 12

2 de decembre de 2015

eleccions regionalas del 6 de Decembre de 2015.

eleccions regionalas del 6 de Decembre de 2015.

Tag(s) : #OC