Overblog Suivre ce blog
Editer l'article Administration Créer mon blog

Partit de la Nacion Occitana

10, carrièra de Romàs

47000 Agen

<p-n-o@laposte.net>

Eleccions regionalas en « Lengadòc-Rosselhon-Miègjorn-Pirenèus » : lo Partit de la Nacion Occitana participa a la candidatura del Ben Comun amb Christophe Cavard.

En vista de las eleccions regionalas de decembre venent, lo Partit de la Nacion Occitana (P.N.O.) participa al marchament del Ben Comun amb Christophe Cavard. D’efièch, Lo Ben Comun es pas solament una lista candidata dins aquela region novèla, es abans tot un marchament « fòra sistèma » per que los ciutadans de basa recobren lo drech a la paraula que ne son generalament privats per une oligarquia que los pretend representar.

Lo Partit de la Nacion Occitana denoncia lo modèl « republican » centralista francés : dempuèi mai de dos sègles, los govèrns franceses successius e lors relais « provincials » trabalhan per l'uniformizacion de la societat e pel manten de la dominacion de París. La populacion es d’ara enlà condicionada per acceptar aquela uniformizacion e aquela dominacion, coma se se trachava d'una necessitat, d'una evidéncia, d'una fatalitat, implicant subretot aicí l'eradicacion de nòstras lengas occitana e catalana e de las culturas qu’exprimisson.

La cooperativa politica, ecologista e ciutadana Lo Ben Comun denoncia justament la confiscacion del poder popular per delegacion al profièch de partits ultra-ierarquizats, bailejats de la capitala : los ciutadans decidisson pas, fan pas que causir los que decidiràn per eles. E aqueles partits reprodusisson aquel sistèma centralizat a l’escala regionala ; atal refortisson lor monopòli en empachant tota alternativa locala.

Lo Partit de la Nacion Occitana es favorable a la descentralizacion dels poders, e donc al recobrament de la paraula pels ciutadans. La temptativa persistenta d'eradicacion de nòstras lengas occitana e catalana es un exemple concret d’aquela confiscacion del poder legitim dels ciutadans per l'aparelh d'Estat central e pels notables que son sos aliats locals.

Lo Ben Comun trabalha d’un biais cooperatiu : cada compausanta, cada membre es apelat a expausar son punt de vista, a far tornar montar son experiéncia del terren, a prepausar a la concertacion de solucions concretas suls tèmas divèrses de societat (environament, economia…). Lo Partit de la Nacion Occitana pòrta especialament a aquel grop son analisi sus la problèmatica de las identitats culturalas e lingüisticas dichas « regionalas », que concernís particularament aquela region.

Divendres 15 d’octòbre de 2015

Eleccions regionalas 2015, occitania.

Eleccions regionalas 2015, occitania.

Tag(s) : #OC