Overblog Suivre ce blog
Editer l'article Administration Créer mon blog

Partit de la Nacion Occitana

10, carrièra de Romàs – 47000 Agen  –  p-n-o@laposte.net

Comunicats de premsa: http://lo.lugarn-pno.over-blog.org

Val d'Aran : lo Partit de la Nacion Occitana convida a votar pels candidats "Junts pel sí" (Amassa per l'òc).

       Lo 27 de setembre de 2015, Catalonha e doncas la Val d'Aran votaràn pel renovelament del Parlament de Catalonha. Aquestas eleccions que se debanan dins l’encastre legal d’una eleccion autonomica, es de facto un vòte sus l’independéncia de nòstres vesins catalans e al-delà per la Val d'Aran.

       Lo Partit de la Nacion Occitana, per paratge e solidaritat inter-nacionalista sosten la caminada politica de Catalonha cap a la bastison d'un Estat catalan sus la part territoriala de l'ancian principat. Es una estapa primièra cap a la reunificacion de Catalonha tota dins un sol Estat a venir. En conformitat amb l'ideal de libertat per totas las nacions e lo drech internacionalament reconegut per cada pòble de dispausar d'un Estat pròpri, lo Partit de la Nacion Occitana sosten d'a fons la demarcha democratica entemenada per la societat civila catalana e pel governament de Catalonha.

       Se lo Partit de la Nacion Occitana a pas per vocacion de s'immicir directament dins los afars politics intèrnes de Catalonha, per contra apèla e convida nòstres compatriòtas de la Val d'Aran a sosténer lo procèssus d'independéncia de Catalonha, passatge obligat per que deman aquel terriròri de la nauta val de Garona siá lo primièr territòri occitan independent que se proclame tal e conscient de l’èsser.

       Atanben, lo Partit de la Naciona Occitana demanda a nòstras e nòstres compatriòtas de la Val d'Aran de votar massissament pels candidats de la coalicion "Junts pel sí" (Amassa per l'òc) que recampa, al delà dels clivatges ideologics, los partidaris de l'independéncia de Catalonha e de la part d'Occitània d'uèi encara jos dominacion espanhòla.

       Visca l'independéncia de la Val d'Aran e de Catalonha !

 Visca l'independéncia de la Val d'Aran e de Catalonha !

Visca l'independéncia de la Val d'Aran e de Catalonha !

Tag(s) : #OC