Overblog Suivre ce blog
Editer l'article Administration Créer mon blog

Catalonha causís de sortir d’Espanha « una e indevesibla »

Lo 27 de setembre de 2015, lo pòble catalan causiguèt clarament d’èsser independènt e de sortir del reialme d’Espanha.

Amb aqueste « Òc » a l’independéncia a remes en causa l’union forçada amb Espanha consequéncia notadament de la casuda de Barcelona l’onze de setembre de 1714.

Aprèp la desfacha del camp prò espanhòl, l’ora deu èsser a la negociacion entre lo govèrn de Barcelona democraticament elegit amb un mandat clarament independentista e aquel de Madrid per tal d’arribar a un divòrci tenguènt-tenguènt entre las doas nacions.

Lo Partit de la Nacion Occitana (P.N.O.) saluda la mobilizacion de las fòrças catalanas que diguèron de « non » a Espanha.

Aquesta mobilizacion es un encoratjament per totas las nacions sens estat al dintre dels estats que compausan l’Union Europenca :

- Pels Catalans del demai de l’Estat espanhòl (Balearas, PaísValencian, « Franja ») e de l’Estat francés, que voldràn rejonher lo novèl Estat catalan.

- Pels Escoceses que tornaràn votar tard o d’ora, e aqueste còp per l’independéncia, sustot se Granda Bretanha causissiá de sortir de l’Union Europenca.

- Pels Flamencs de Belgica

- Pels Bascos « espanhòls » o « franceses »

- Pels Occitans de la Val d’Aran qu’acompanharàn l’independéncia catalana en tant  qu’Occitans

- Pels Occitans « franceses » o « italians » que l’exemple catalan e aranés lor balharà d’idèias.

Lo Partit de la Nacion Occitana crida las nacions sens Estat d’Euròpa e del monde, e bèla primièra la nacion occitana, a revendicar lor dreit a un Estat independènt, quitament se per d’unas aquesta perspectiva sembla pas d’actualitat.

27 de Setembre de 2015

 <p-n-o@laposte.net>

Partit de la Nacion Occitana

10, carrièra de Romàs

47000 Agen

Partit de la Nacion Occitana.

Partit de la Nacion Occitana.

Tag(s) : #OC