Overblog Suivre ce blog
Editer l'article Administration Créer mon blog

Comunicat de premsa

Un’ambicion per las lengas de França

Dins lo bolegadís del debat dins los mèdias sus la refòrma del collègi, se parla fòrça de l'ensenhament del grèc, del latin e de l'alemand qu'es mai o mens en dangièr mas pas jamai de la plaça precària de las lengas dichas regionalas dins l'ensenhament public.

Riscan amb la refòrma, d'èstre complètament marginalizadas.

Lo Partit de la Nacion Occitana soeta rapelar sa proposicion de regionalizacion de l'Educacion nacionala coma çò qu’existís dins los "Länder" alemands.

Aquò vòl dire que las regions novèlas eretadas de la plan contestabla refòrma territoriala aurián competència, amb los mejans necessaris, pas solament sus las parets dels establiments escolars mas poirián recrutar los ensenhaires e adaptar en partida los programas per ofrir a totes los nivèls en Occitània un ensenhament de la lenga e de la civilizacion occitana.

Seriá parièr per las autras lengas de França en Bretanha, dins los Flandres neerlandofònes, en Alsàcia, al País basc, en Catalonha Nòrd e en Corsèga.

Los programas del collègi deurián tanben preveire que l'ensenhament de l'istòria faga pas mai silenci sus l'istòria dels vençuts e conte las conquistas militaras que permèteron l'espandiment del reiaume de França puèi de la Republica tanplan coma l'ensag de desrabatge de las lengas de França amb las leis Jules Ferry per exemple.

Coma aquela proposicion ambiciosa risca pas brica d'èstre acceptada pel govèrn de l'ora d'ara, la caldrà defendre per las carrièras lo dissabte 24 d'octòbre pendent lo passa-carrièra grand per la lenga occitana a Montpelhièr.

Lo Partit de la Nacion Occitana i serà e o farà.

23 de mai de 2015

Lo PNO e la refòrma del collègi

Lo PNO e la refòrma del collègi

Tag(s) : #OC