Overblog Suivre ce blog
Editer l'article Administration Créer mon blog

Partit de la Nacion Occitana

Comitat albigés

47, avenguda Charles de Gaulle

81370 Sant Sulpici la Punta

lo 4 de març de 2015

Sivens : Volèm viure, decidir e trabalhar al país

Aqueste divendres 6 de març de 2015, lo Conselh General d'Albigés se deu prononciar sus l'avenidor de projecte de retenguda d'aiga de Sivens. Per aquesta escasença, un còp de mai, lo comitat albigés del Partit de la Nacion Occitana denóncia lo comportament inadmissible de los qu'ocupan illegalament siti del Testet e que se dison "zadistas". Aquestes an transformat lo parçan en zòna de non-drech. Son anats fins a fòrabandir una estatjanta d'en çò ela e a i panar qualqu'unes de sos mòbles. Lors menaças, malafachas e passatges a l'acte son nombroses e variats. Talament que seriá fastigós de los remembrar totes. Van fins a contrarotlar l'identitat de las personas que s'acèrcan de l'obrador e a n'empachar l'accès a qual lor agrada pas. Ademai, empachan los paisans d'anar trabalhar lors camps.

La justícia ven de prononciar son verdicte tocant a l'illegalitat de l'ocupacion. Atanben, lo comitat albigés del Partit de la Nacion Occitana demanda l'execucion de la senténcia: los "zadistas" devon èsser expulsats.

D'un autre latz, lo comitat albigés del Partit de la Nacion Occitana constata los besonhs d'una sèrva d'aiga per irrigar la val de Tescon e l'estiatge del riu. Constata atanben que la decision de bastir la restanca de Sivens es estada presa per una amassada despartamentala democraticament elegida. Mentre qu'en tornant prene d'autoritat lo dorsièr, l'Estat jacobin faguèt, un còp de mai, pròva de mesprètz cara e cara la democracia e los elegits locals. Siem aquí plan luènh de la democracia participativa presicada per la quita persona que ven de consfiscar lo dorsièr als elegits de proximitat.

Compte tengut de la situacion e dels besonhs indispensables al desvolopament de nòstra region occitana, lo comitat albigés del Partit de la Nacion Occitana demanda als conselhièrs generals, acampats a-z-Albi aqueste divendres 6 de març de 2015, de se prononciar per la perseguida de l'obrador de la restanca de Sivens, tal coma èra prevista tre la debuta. Volem viure, decidir e trabalhar al país!

Sivens : Volèm viure, decidir e trabalhar al país

Sivens : Volèm viure, decidir e trabalhar al país

Tag(s) : #OC