Overblog Suivre ce blog
Editer l'article Administration Créer mon blog

Partit de la Nacion Occitana, comunicat

A mai non pòt, lo Partit de la Nacion Occitana demòra mobilisat.

 

  Los 28 e 29 de març de 2015, lo Partit de la Nacion Occitana (P.N.O.) acampèt a Sant Sulpici la Punta, Albigés, son Conselh Nacional. Dins un contèxte marcat per un blocatge e una crispaciona centralistas del poder e de las fòrças politicas francesas màger, los delegats decidiguèron çò seguent:

   Lo P.N.O. se regaudís de çò que sa crida per l'organizacion d'una manifèstacion reivindicativa novèla per la lenga siá estat ausit. Atanben, mobilisarà totas sas fòrças militantas per fin que lo rendètz-vos del 24 d'octobre de 2015, a Montpelhièr, siá una capitada. Remembra son exigéncia d'un estatut d'oficialitat per la lenga occitana, en conformitat amb los dreches lingüistics previstes per las convencions internacionalas e escandalosament ignorats per l'Estat francés. Dononciá un còp de mai la politica etnocidària de França contra Occitània e las autras nacions victimas de son imperialisme.

   Lo P.N.O. se felicita de las resultas onorablas obtengudas a las eleccions despartamentalas pels candidats que sostenguèt, mai que mai los candidats "Liures e independents per Gèrs". Çò que demòstra que las Occitanas e los Occitans son en espera d'una ofrida politica occitana los tirant cap a l'emancipacion nacionala.

   Ongan atanben, lo P.N.O. participarà a la campanha per eleccions regionalas de decembre. Aquestas se debanarán dins l'encastre novèl del retalhatge que ja denoncièt coma negant la realitat lingüistica, culturala e istorica de las regions occitanas (véser son comunicat datat del 22 d'abrial de 2014). Mai que pus, agirà dins aquesta campanha pel respècte de l'identitat e dels dreches lingüistics, culturals, economics, environamentals e politics d'Occitània.

   Los delegats a reafortit que lo P.N.O. es una fòrça politica de proposicions democraticas e de resistància a la politica d'assimilacion planificada pel poder francés. Creat en 1959, lo P.N.O. es, e demòra, lo primièr partit al servici des intereses nacionals del pòble occitan.

Agen lo 31/03/ 2015
Partit de la Nacion Occitana
10, carrièra de Romàs – 47000 Agen  – 
p-n-o@laposte.net

A mai non pòt, lo Partit de la Nacion Occitana demòra mobilisat.

A mai non pòt, lo Partit de la Nacion Occitana demòra mobilisat.

Tag(s) : #OC