Overblog Suivre ce blog
Editer l'article Administration Créer mon blog

Comunicat de premsa

Eleccion dels deputats al Parlament europenc del 25 de mai de 2014

Lo 25 de mai de 2014, los ciutadans de l'Union Europenca son apelats a elegir lors deputats al Parlament europenc.

Per las nacions sens Estat d'Euròpa, l'enjòc d’aquela eleccion es de bastir una Euròpa dels pòbles, federala, descentralizada, democratica e sociala. Lo Partit de la Nacion Occitana apèla donc a combatre en prioritat las candidaturas « sobeiranistas » francesas, de drecha e d’esquèrra, que s’opausan a la necessària bastison d’una Euròpa federala e democratica e a la reconeissença per Euròpa de las lengas « regionalas » e de las minoritats « nacionalas ».

Dins la circonscripcion Sud‑Oest (regions Lengadòc-Rosselhon, Miègjorn-Pirenèus e Aquitània), los militants del Partit de la Nacion Occitana son a l'iniciativa d'un collectiu que apèla los independentistas occitans, bascs e catalans a lo rejónher per portar aut e fòrt nòstras reivendicacions comunas, en virant l’esquina al sucursalisme a l’encontre dels partits politics franceses. Aquel collectiu presentarà la candidatura d'una tièra d'union per una Euròpa dels pòbles. Apelam las electritz e los electors de la circonscripcion Sud-Oest a rejónher aquela tièra e a la sosténer. Que rejonhan o non aquel marchament d’union, saludam frairalament los independentistas bascs e catalan, dont d’unes son ja engatjats dins un marchament de candidatura particulara, e proclamam nòstra solidaritat amb eles.

Partit de la Nation Occitane
8 d’abril de 2014

Eleccion dels deputats al Parlament europenc del 25 de mai de 2014

Eleccion dels deputats al Parlament europenc del 25 de mai de 2014

Tag(s) : #OC