Overblog Suivre ce blog
Editer l'article Administration Créer mon blog

1èr de mars de 2014
Partit de la Nacion Occitana
10 carrièra de Romàs
47000 Agen
Tel. 05 53 47 64 02
Telefonet : 06 76 47 32 12
Corric : joan-peire.alari@gmail.com

Montsegur : 16 de mars 1244- 16 de mars 2014

Lo Partit de la Nacion Occitana convida totes los occitans a participar a la commemorason que se debanarà a Montsegur (Arièja) lo 16 de març de 2014. Aquesta manifestacion del sovenir serà un omenatge rendut a totas las victimas de la guèrra de conquista d’una partida màger d’Occitània menada per l’armada del rei de França de 1208 a 1229 jol pretèxte de combatre una eretgia religiosa, lo catarisme.
Al delà del simbòl de libertat religiosa e politica que representa Montsegur, aquesta commemorason serà tanben l'escasença d'onorar totas las victimas occitanas e autras de las guèrras que faguèt França a travèrs los sègles. Serà lo bon moment ara que las autoritats del Republica francesa s'aprestan a sortir en çò nòstre los drapèus tricolòrs per commemorar lo centenari del chaple inutil dels combatents de 1914-18 (sens comptar los fusilhats per l'exemple). Lo Partit de la Nacion Occitana convida los occitans a denonciar totes los crimis contra l'umanitat comeses al nom del chauvinisme d’ont que venga, francés, alemand o autre.
Lo recampament de Montsegur es organizat per l'associacion ciutadana foishenca Occitània e Libertat. Totas las associacions e organizacions occitanas son convidadas a i participar.

Rendètz-vos a Montsegur, al Prat dels Cremats,
lo dimenge 16 de mars de 2014 a 11 oras

Per mai d’entresenhas: Jacme Pince
Tel: 05 61 67 33 40

Montsegur : 16 de mars 1244- 16 de mars 2014
Tag(s) : #OC