Overblog Suivre ce blog
Editer l'article Administration Créer mon blog

Tièra del « Rassemblement Bleu Marine » per las municipalas a Castèurainard (Bocas dau Ròse)

Lo Partit de la Nacion Occitana es estat assabentat del programa electoral e de las declaracions de la tièra "Châteaurenard Bleu Marine" del Jean-Alexandre Mousset e notadament d'una vidèo que dedins un de sos partidaris i fa en occitan un devis dels racistas : https://www.youtube.com/watch?v=KMSBZOzaG38

Coma d'en pertot dins l'Estat francés, aquesta tièra "Bleu Marine" es portada pel Front National e pel « Rassemblement Bleu Marine » (coalicion del FN e de sos aligats mai vesins) : Ne tòrna prene los analisis, las proposicions, lo vocabulari, los sigles e los imatges.

I apond una referéncia a nòstra lenga occitana. Mas aquelas paraulas d'asirança e sa pausicion de sosten del nacionalisme francés mai extremista van cap e tot a contra briu de las valors umanistas de la civilizacion occitana e de l'occitanisme politic e cultural moderne que las vòl promòure.

L'emplèc de la lenga occitana, de las bandièras occitana e provençala, dins la publicitat d'aqueste grope son pas qu'un aganta-colhon.

Tant a Castèurainard coma endacòm mai en Occitània, lo Partit de la Nacion Occitana crida totes los ciutadans occitans e totas las ciutadanas occitanas de soca o d'adopcion per que diguèsson de non dins las urnas a la recuperacion politica de la lenga e de la cultura occitanas pel « Rassemblement Bleu Marine » e lo Front National

18 de mars de 2014

Partit de la Nacion Occitana

Partit de la Nacion Occitana

Tag(s) : #OC